JOSH 12:1 ¶ Moun pèp Izrayèl yo te bat tout wa ki te rete lòt bò larivyè Jouden yo, sou bò solèy leve. Epi yo pran tout peyi wa sa yo nan men yo, ki vle di tout zòn lan nèt, depi ravin Anon an, moute nan fon Jouden an, jouk nan pye mòn Emon.
JOSH 12:2 Men wa yo te kraze yo: Se te Siyon, wa moun Amori yo, ki te rete lavil Esbon. Peyi li t'ap gouvènen an te pran depi nan fon ravin Anon an moute Awoyè ki sou bò ravin lan, rive larivyè Jabòk sou fwontyè moun Amon yo, ki vle di mwatye nan peyi Galarad la.
JOSH 12:3 Li te gouvènen zòn ki sou bò lès fon Jouden an tou, depi letan Kinerèt la desann sou lanmè Mouri a, nan direksyon Bèt-Jechimòt jouk nan pye mòn Pisga a.
JOSH 12:4 Yo te kraze Og, wa peyi Bazan an tou. Se te yonn nan dènye refayim yo. Li te rete lavil Astawòt ak lavil Edreyi.
JOSH 12:5 Peyi li t'ap gouvènen an konmanse depi nan mòn Emon ak mòn Salka, li pran tout peyi Bazan an nèt rive sou fwontyè peyi moun Jechou yo ak moun Maaka yo, plis lòt mwatye peyi Galarad la rive sou fwontyè peyi wa Siyon an ki te rete lavil Esbon.
JOSH 12:6 Se Moyiz, sèvitè Seyè a, ansanm ak pèp Izrayèl la ki te kraze wa sa yo. Apre sa, Moyiz, sèvitè Seyè a, te pran tout peyi sa yo li bay moun branch fanmi Woubenn lan, moun branch fanmi Gad la ak mwatye nan moun branch fanmi Manase a.
JOSH 12:7 ¶ Jozye ansanm ak pèp Izrayèl la te bat tout wa ki te rete nan zòn lòt bò larivyè Jouden an, sou bò solèy kouche, depi lavil Baal-Gad nan fon Liban an jouk mòn Chòv la nan direksyon Seyi. Se tè wa sa yo Jozye te pran, li separe yo bay moun pèp Izrayèl yo pou byen pa yo.
JOSH 12:8 Tè sa yo te pran tout mòn yo, tout plenn yo, fon Jouden an, tout pye mòn yo, dezè a ak zòn Negèv la. Se sou tè sa yo moun Et yo, moun Amori yo, moun Kanaran yo, moun Ferezi yo, moun Evi yo ak moun Jebis yo te rete.
JOSH 12:9 Men wa yo te kraze yo: wa lavil Jeriko, wa lavil Ayi, toupre Betèl,
JOSH 12:10 wa lavil Jerizalèm, wa lavil Ebwon,
JOSH 12:11 wa lavil Jamout, wa lavil Lakis,
JOSH 12:12 wa lavil Eglon, wa lavil Gezè,
JOSH 12:13 wa lavil Debi, wa lavil Gedè,
JOSH 12:14 wa lavil Oma, wa lavil Arad,
JOSH 12:15 wa lavil Libna, wa lavil Adoulam,
JOSH 12:16 wa lavil Makeda, wa lavil Betèl,
JOSH 12:17 wa lavil Tapwach, wa lavil Efè,
JOSH 12:18 wa lavil Afèk, wa lavil Sawon,
JOSH 12:19 wa lavil Madòn, wa lavil Azò,
JOSH 12:20 wa lavil Chimwon, wa lavil Mewòm, wa lavil Akchaf,
JOSH 12:21 wa lavil Tanak, wa lavil Megido,
JOSH 12:22 wa lavil Kadès, wa lavil Jokneyam nan zòn mòn Kamèl la,
JOSH 12:23 wa lavil Dò sou zòn bò rivaj lanmè a, wa Goyim yo nan peyi Galile,
JOSH 12:24 wa lavil Tiza. Sa te fè antou tranteyen wa ki te peri.