Back to Hebrew Bible online homepage (Contents Page of Online Bible)
1 Chronicles 11 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
1CHRON 11:1 ויקבצו כל-ישראל אל-דויד חברונה לאמר הנה עצמך ובשרך אנחנו.
1CHRON 11:2 גם-תמול גם-שלשום גם בהיות שאול מלך אתה המוציא והמביא את-ישראל ויאמר יהוה אלהיך לך אתה תרעה את-עמי את-ישראל ואתה תהיה נגיד על עמי ישראל.
1CHRON 11:3 ויבאו כל-זקני ישראל אל-המלך חברונה ויכרת להם דויד ברית בחברון לפני יהוה וימשחו את-דויד למלך על-ישראל כדבר יהוה ביד-שמואל.
1CHRON 11:4 וילך דויד וכל-ישראל ירושלם היא יבוס ושם היבוסי ישבי הארץ.
1CHRON 11:5 ויאמרו ישבי יבוס לדויד לא תבוא הנה וילכד דויד את-מצדת ציון היא עיר דויד.
1CHRON 11:6 ויאמר דויד כל-מכה יבוסי בראשונה יהיה לראש ולשר ויעל בראשונה יואב בן-צרויה ויהי לראש.
1CHRON 11:7 וישב דויד במצד על-כן קראו-לו עיר דויד.
1CHRON 11:8 ויבן העיר מסביב מן-המלוא ועד-הסביב ויואב יחיה את-שאר העיר.
1CHRON 11:9 וילך דויד הלוך וגדול ויהוה צבאות עמו.
1CHRON 11:10 ואלה ראשי הגבורים אשר לדויד המתחזקים עמו במלכותו עם-כל-ישראל להמליכו כדבר יהוה על-ישראל.
1CHRON 11:11 ואלה מספר הגברים אשר לדויד ישבעם בן-חכמוני ראש השלושים הוא- עורר את-חניתו על-שלש-מאות חלל בפעם אחת.
1CHRON 11:12 ואחריו אלעזר בן-דודו האחוחי הוא בשלושה הגברים.
1CHRON 11:13 הוא-היה עם-דויד בפס דמים והפלשתים נאספו-שם למלחמה ותהי חלקת השדה מלאה שעורים והעם נסו מפני פלשתים.
1CHRON 11:14 ויתיצבו בתוך-החלקה ויצילוה ויכו את-פלשתים ויושע יהוה תשועה גדולה.
1CHRON 11:15 וירדו שלושה מן-השלושים ראש על-הצר אל-דויד אל-מערת עדלם ומחנה פלשתים חנה בעמק רפאים.
1CHRON 11:16 ודויד אז במצודה ונציב פלשתים אז בבית לחם.
1CHRON 11:17 ויתאו דויד ויאמר מי ישקני מים מבור בית-לחם אשר בשער.
1CHRON 11:18 ויבקעו השלשה במחנה פלשתים וישאבו-מים מבור בית-לחם אשר בשער וישאו ויבאו אל-דויד ולא-אבה דויד לשתותם וינסך אתם ליהוה.
1CHRON 11:19 ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים.
1CHRON 11:20 ואבשי אחי-יואב הוא היה ראש השלושה והוא עורר את-חניתו על-שלש מאות חלל ולא-שם בשלושה.
1CHRON 11:21 מן-השלושה בשנים נכבד ויהי להם לשר ועד-השלושה לא-בא.
1CHRON 11:22 בניה בן-יהוידע בן-איש-חיל רב-פעלים מן-קבצאל הוא הכה את שני אריאל מואב והוא ירד והכה את-הארי בתוך הבור ביום השלג.
1CHRON 11:23 והוא-הכה את-האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את-החנית מיד המצרי ויהרגהו בחניתו.
1CHRON 11:24 אלה עשה בניהו בן-יהוידע ולו-שם בשלושה הגברים.
1CHRON 11:25 מן-השלושים הנו נכבד הוא ואל-השלושה לא-בא וישימהו דויד על- משמעתו.
1CHRON 11:26 וגבורי החילים עשה-אל אחי יואב אלחנן בן-דודו מבית לחם.
1CHRON 11:27 שמות ההרורי חלץ הפלוני.
1CHRON 11:28 עירא בן-עקש התקועי אביעזר הענתותי.
1CHRON 11:29 סבכי החשתי עילי האחוחי.
1CHRON 11:30 מהרי הנטפתי חלד בן-בענה הנטופתי.
1CHRON 11:31 איתי בן-ריבי מגבעת בני בנימן בניה הפרעתני.
1CHRON 11:32 חורי מנחלי געש אביאל הערבתי.
1CHRON 11:33 עזמות הבחרומי אליחבא השעלבני.
1CHRON 11:34 בני השם הגזוני יונתן בן-שגה ההררי.
1CHRON 11:35 אחיאם בן-שכר ההררי אליפל בן-אור.
1CHRON 11:36 חפר המכרתי אחיה הפלני.
1CHRON 11:37 חצרו הכרמלי נערי בן-אזבי.
1CHRON 11:38 יואל אחי נתן מבחר בן-הגרי.
1CHRON 11:39 צלק העמוני נחרי הברתי נשא כלי יואב בן-צרויה.
1CHRON 11:40 עירא היתרי גרב היתרי.
1CHRON 11:41 אוריה החתי זבד בן-אחלי.
1CHRON 11:42 עדינא בן-שיזא הראובני ראש לראובני ועליו שלושים.
1CHRON 11:43 חנן בן-מעכה ויושפט המתני.
1CHRON 11:44 עזיא העשתרתי שמע ויעואל בני חותם הערערי.
1CHRON 11:45 ידיעאל בן-שמרי ויחא אחיו התיצי.
1CHRON 11:46 אליאל המחוים ויריבי ויושויה בני אלנעם ויתמה המואבי.
1CHRON 11:47 אליאל ועובד ויעשיאל המצביה.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)