1CHRON 27:1 ובני ישראל למספרם ראשי האבות ושרי האלפים והמאות ושטריהם המשרתים את-המלך לכל דבר המחלקות הבאה והיצאת חדש בחדש לכל חדשי השנה המחלקת האחת עשרים וארבעה אלף.
1CHRON 27:2 על המחלקת הראשונה לחדש הראשון ישבעם בן-זבדיאל ועל מחלקתו עשרים וארבעה אלף.
1CHRON 27:3 מן-בני-פרץ הראש לכל-שרי הצבאות לחדש הראשון.
1CHRON 27:4 ועל מחלקת החדש השני דודי האחוחי ומחלקתו ומקלות הנגיד ועל מחלקתו עשרים וארבעה אלף.
1CHRON 27:5 שר הצבא השלישי לחדש השלישי בניהו בן-יהוידע הכהן ראש ועל מחלקתו עשרים וארבעה אלף.
1CHRON 27:6 הוא בניהו גבור השלשים ועל-השלשים ומחלקתו עמיזבד בנו.
1CHRON 27:7 הרביעי לחדש הרביעי עשה-אל אחי יואב וזבדיה בנו אחריו ועל מחלקתו עשרים וארבעה אלף.
1CHRON 27:8 החמישי לחדש החמישי השר שמהות היזרח ועל מחלקתו עשרים וארבעה אלף.
1CHRON 27:9 הששי לחדש הששי עירא בן-עקש התקועי ועל מחלקתו עשרים וארבעה אלף.
1CHRON 27:10 השביעי לחדש השביעי חלץ הפלוני מן-בני אפרים ועל מחלקתו עשרים וארבעה אלף.
1CHRON 27:11 השמיני לחדש השמיני סבכי החשתי לזרחי ועל מחלקתו עשרים וארבעה אלף.
1CHRON 27:12 התשיעי לחדש התשיעי אביעזר הענתתי לבנימיני ועל מחלקתו עשרים וארבעה אלף.
1CHRON 27:13 העשירי לחדש העשירי מהרי הנטופתי לזרחי ועל מחלקתו עשרים וארבעה אלף.
1CHRON 27:14 עשתי-עשר לעשתי-עשר החדש בניה הפרעתוני מן-בני אפרים ועל מחלקתו עשרים וארבעה אלף.
1CHRON 27:15 השנים עשר לשנים עשר החדש חלדי הנטופתי לעתניאל ועל מחלקתו עשרים וארבעה אלף.
1CHRON 27:16 ועל שבטי ישראל לראובני נגיד אליעזר בן-זכרי לשמעוני שפטיהו בן- מעכה.
1CHRON 27:17 ללוי חשביה בן-קמואל לאהרן צדוק.
1CHRON 27:18 ליהודה אליהו מאחי דויד ליששכר עמרי בן-מיכאל.
1CHRON 27:19 לזבולן ישמעיהו בן-עבדיהו לנפתלי ירימות בן-עזריאל.
1CHRON 27:20 לבני אפרים הושע בן-עזזיהו לחצי שבט מנשה יואל בן-פדיהו.
1CHRON 27:21 לחצי המנשה גלעדה ידו בן-זכריהו לבנימן יעשיאל בן-אבנר.
1CHRON 27:22 לדן עזראל בן-ירחם אלה שרי שבטי ישראל.
1CHRON 27:23 ולא-נשא דויד מספרם למבן עשרים שנה ולמטה כי אמר יהוה להרבות את-ישראל ככוכבי השמים.
1CHRON 27:24 יואב בן-צרויה החל למנות ולא כלה ויהי בזאת קצף על-ישראל ולא עלה המספר במספר דברי-הימים למלך דויד.
1CHRON 27:25 ועל אצרות המלך עזמות בן-עדיאל ועל האצרות בשדה בערים ובכפרים ובמגדלות יהונתן בן-עזיהו.
1CHRON 27:26 ועל עשי מלאכת השדה לעבדת האדמה עזרי בן-כלוב.
1CHRON 27:27 ועל-הכרמים שמעי הרמתי ועל שבכרמים לאצרות היין זבדי השפמי.
1CHRON 27:28 ועל-הזיתים והשקמים אשר בשפלה בעל חנן הגדרי ועל-אצרות השמן יועש.
1CHRON 27:29 ועל-הבקר הרעים בשרון שטרי השרוני ועל-הבקר בעמקים שפט בן- rcli.
1CHRON 27:30 ועל-הגמלים אוביל הישמעלי ועל-האתנות יחדיהו המרנתי.
1CHRON 27:31 ועל-הצאן יזיז ההגרי כל-אלה שרי הרכוש אשר למלך דויד.
1CHRON 27:32 ויהונתן דוד-דויד יועץ איש-מבין וסופר הוא ויחיאל בן-חכמוני עם- בני המלך.
1CHRON 27:33 ואחיתפל יועץ למלך וחושי הארכי רע המלך.
1CHRON 27:34 ואחרי אחיתפל יהוידע בן-בניהו ואביתר ושר-צבא למלך יואב.