Back to Hebrew Bible online homepage (Contents Page of Online Bible)
1 Chronicles 12 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
1CHRON 12:1 ואלה הבאים אל-דויד לציקלג עוד עצור מפני שאול בן-קיש והמה בגבורים עזרי המלחמה.
1CHRON 12:2 נשקי קשת מימינים ומשמאלים באבנים ובחצים בקשת מאחי שאול מבנימן.
1CHRON 12:3 הראש אחיעזר ויואש בני השמעה הגבעתי ויזואל ופלט בני עזמות וברכה ויהוא הענתתי.
1CHRON 12:4 וישמעיה הגבעוני גבור בשלשים ועל-השלשים.
1CHRON 12:5 וירמיה ויחזיאל ויוחנן ויוזבד הגדרתי.
1CHRON 12:6 אלעוזי וירימות ובעליה ושמריהו ושפטיהו החריפי.
1CHRON 12:7 אלקנה וישיהו ועזראל ויועזר וישבעם הקרחים.
1CHRON 12:8 ויועאלה וזבדיה בני ירחם מן-הגדור.
1CHRON 12:9 ומן-הגדי נבדלו אל-דויד למצד מדברה גברי החיל אנשי צבא למלחמה ערכי צנה ורמח ופני אריה פניהם וכצבאים על-ההרים למהר.
1CHRON 12:10 עזר הראש עבדיה השני אליאב השלשי.
1CHRON 12:11 משמנה הרביעי ירמיה החמשי.
1CHRON 12:12 עתי הששי אליאל השבעי.
1CHRON 12:13 יוחנן השמיני אלזבד התשיעי.
1CHRON 12:14 ירמיהו העשירי מכבני עשתי עשר.
1CHRON 12:15 אלה מבני-גד ראשי הצבא אחד למאה הקטן והגדול לאלף.
1CHRON 12:16 אלה הם אשר עברו את-הירדן בחדש הראשון והוא ממלא על-כל-גדיתיו ויבריחו את-כל-העמקים למזרח ולמערב.
1CHRON 12:17 ויבאו מן-בני בנימן ויהודה עד-למצד לדויד.
1CHRON 12:18 ויצא דויד לפניהם ויען ויאמר להם אם-לשלום באתם אלי לעזרני יהיה-לי עליכם לבב ליחד ואם-לרמותני לצרי בלא חמס בכפי ירא אלהי אבותינו ויוכח.
1CHRON 12:19 ורוח לבשה את-עמשי ראש השלושים לך דויד ועמך בן-ישי שלום שלום לך ושלום לעזרך כי עזרך אלהיך ויקבלם דויד ויתנם בראשי הגדוד.
1CHRON 12:20 וממנשה נפלו על-דויד בבאו עם-פלשתים על-שאול למלחמה ולא עזרם כי בעצה שלחהו סרני פלשתים לאמר בראשינו יפול אל-אדניו שאול.
1CHRON 12:21 בלכתו אל-ציקלג נפלו עליו ממנשה עדנח ויוזבד וידיעאל ומיכאל ויוזבד ואליהוא וצלתי ראשי האלפים אשר למנשה.
1CHRON 12:22 והמה עזרו עם-דויד על-הגדוד כי-גבורי חיל כלם ויהיו שרים בצבא.
1CHRON 12:23 כי לעת-יום ביום יבאו על-דויד לעזרו עד-למחנה גדול כמחנה אלהים.
1CHRON 12:24 ואלה מספרי ראשי החלוץ לצבא באו על-דויד חברונה להסב מלכות שאול אליו כפי יהוה.
1CHRON 12:25 בני יהודה נשאי צנה ורמח ששת אלפים ושמונה מאות חלוצי צבא.
1CHRON 12:26 מן-בני שמעון גבורי חיל לצבא שבעת אלפים ומאה.
1CHRON 12:27 מן-בני הלוי ארבעת אלפים ושש מאות.
1CHRON 12:28 ויהוידע הנגיד לאהרן ועמו שלשת אלפים ושבע מאות.
1CHRON 12:29 וצדוק נער גבור חיל ובית-אביו שרים עשרים ושנים.
1CHRON 12:30 ומן-בני בנימן אחי שאול שלשת אלפים ועד-הנה מרביתם שמרים משמרת בית שאול.
1CHRON 12:31 ומן-בני אפרים עשרים אלף ושמונה מאות גבורי חיל אנשי שמות לבית אבותם.
1CHRON 12:32 ומחצי מטה מנשה שמונה עשר אלף אשר נקבו בשמות לבוא להמליך את- דויד.
1CHRON 12:33 ומבני יששכר יודעי בינה לעתים לדעת מה-יעשה ישראל ראשיהם מאתים וכל-אחיהם על-פיהם.
1CHRON 12:34 מזבלון יוצאי צבא ערכי מלחמה בכל-כלי מלחמה חמשים אלף ולעדר בלא-לב ולב.
1CHRON 12:35 ומנפתלי שרים אלף ועמהם בצנה וחנית שלשים ושבעה אלף.
1CHRON 12:36 ומן-הדני ערכי מלחמה עשרים-ושמונה אלף ושש מאות.
1CHRON 12:37 ומאשר יוצאי צבא לערך מלחמה ארבעים אלף.
1CHRON 12:38 ומעבר לירדן מן-הראובני והגדי וחצי שבט מנשה בכל כלי צבא מלחמה מאה ועשרים אלף.
1CHRON 12:39 כל-אלה אנשי מלחמה עדרי מערכה בלבב שלם באו חברונה להמליך את- דויד על-כל-ישראל וגם כל-שרית ישראל לב אחד להמליך את-דויד.
1CHRON 12:40 ויהיו-שם עם-דויד ימים שלושה אכלים ושותים כי-הכינו להם אחיהם.
1CHRON 12:41 וגם הקרובים-אליהם עד-יששכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין-ושמן ובקר וצאן לרב כי שמחה בישראל.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)