1CHRON 5:1 ובני ראובן בכור-ישראל כי הוא הבכור ובחללו יצועי אביו נתנה בכרתו לבני יוסף בן-ישראל ולא להתיחש לבכרה.
1CHRON 5:2 כי יהודה גבר באחיו ולנגיד ממנו והבכרה ליוסף.
1CHRON 5:3 בני ראובן בכור ישראל חנוך ופלוא חצרון וכרמי.
1CHRON 5:4 בני יואל שמעיה בנו גוג בנו שמעי בנו.
1CHRON 5:5 מיכה בנו ראיה בנו בעל בנו.
1CHRON 5:6 בארה בנו אשר הגלה תלגת פלנאסר מלך אשר הוא נשיא לראובני.
1CHRON 5:7 ואחיו למשפחתיו בהתיחש לתלדותם הראש יעיאל וזכריהו.
1CHRON 5:8 ובלע בן-עזז בן-שמע בן-יואל הוא יושב בערער ועד-נבו ובעל מעון.
1CHRON 5:9 ולמזרח ישב עד-לבוא מדברה למן-הנהר פרת כי מקניהם רבו בארץ גלעד.
1CHRON 5:10 ובימי שאול עשו מלחמה עם-ההגראים ויפלו בידם וישבו באהליהם על- כל-פני מזרח לגלעד.
1CHRON 5:11 ובני-גד לנגדם ישבו בארץ הבשן עד-סלכה.
1CHRON 5:12 יואל הראש ושפם המשנה ויעני ושפט בבשן.
1CHRON 5:13 ואחיהם לבית אבותיהם מיכאל ומשלם ושבע ויורי ויעכן וזיע ועבר שבעה.
1CHRON 5:14 אלה בני אביחיל בן-חורי בן-ירוח בן-גלעד בן-מיכאל בן-ישישי בן- יחדו בן-בוז.
1CHRON 5:15 אחי בן-עבדיאל בן-גוני ראש לבית אבותם.
1CHRON 5:16 וישבו בגלעד בבשן ובבנתיה ובכל-מגרשי שרון על-תוצאותם.
1CHRON 5:17 כלם התיחשו בימי יותם מלך-יהודה ובימי ירבעם מלך-ישראל.
1CHRON 5:18 בני-ראובן וגדי וחצי שבט-מנשה מן-בני-חיל אנשים נשאי מגן וחרב ודרכי קשת ולמודי מלחמה ארבעים וארבעה אלף ושבע-מאות וששים יצאי צבא.
1CHRON 5:19 ויעשו מלחמה עם-ההגריאים ויטור ונפיש ונודב.
1CHRON 5:20 ויעזרו עליהם וינתנו בידם ההגריאים וכל שעמהם כי לאלהים זעקו במלחמה ונעתור להם כי-בטחו בו.
1CHRON 5:21 וישבו מקניהם גמליהם חמשים אלף וצאן מאתים וחמשים אלף וחמורים אלפים ונפש אדם מאה אלף.
1CHRON 5:22 כי-חללים רבים נפלו כי מהאלהים המלחמה וישבו תחתיהם עד-הגלה.
1CHRON 5:23 ובני חצי שבט מנשה ישבו בארץ מבשן עד-בעל חרמון ושניר והר- חרמון המה רבו.
1CHRON 5:24 ואלה ראשי בית-אבותם ועפר וישעי ואליאל ועזריאל וירמיה והודויה ויחדיאל אנשים גבורי חיל אנשי שמות ראשים לבית אבותם.
1CHRON 5:25 וימעלו באלהי אבותיהם ויזנו אחרי אלהי עמי-הארץ אשר-השמיד אלהים מפניהם.
1CHRON 5:26 ויער אלהי ישראל את-רוח פול מלך-אשור ואת-רוח תלגת פלנסר מלך אשור ויגלם לראובני ולגדי ולחצי שבט מנשה ויביאם לחלח וחבור והרא ונהר גוזן עד היום הזה.
1CHRON 5:27 בני לוי גרשון קהת ומררי.
1CHRON 5:28 ובני קהת עמרם יצהר וחברון ועזיאל.
1CHRON 5:29 ובני עמרם אהרן ומשה ומרים ובני אהרן נדב ואביהוא אלעזר ואיתמר.
1CHRON 5:30 אלעזר הוליד את-פינחס פינחס הליד את-אבישוע.
1CHRON 5:31 ואבישוע הוליד את-בקי ובקי הוליד את-עזי.
1CHRON 5:32 ועזי הוליד את-זרחיה וזרחיה הוליד את-מריות.
1CHRON 5:33 מריות הוליד את-אמריה ואמריה הוליד את-אחיטוב.
1CHRON 5:34 ואחיטוב הוליד את-צדוק וצדוק הוליד את-אחימעץ.
1CHRON 5:35 ואחימעץ הוליד את-עזריה ועזריה הוליד את-יוחנן.
1CHRON 5:36 ויוחנן הוליד את-עזריה הוא אשר כהן בבית אשר-בנה שלמה בירושלם.
1CHRON 5:37 ויולד עזריה את-אמריה ואמריה הוליד את-אחיטוב.
1CHRON 5:38 ואחיטוב הוליד את-צדוק וצדוק הוליד את-שלום.
1CHRON 5:39 ושלום הוליד את-חלקיה וחלקיה הוליד את-עזריה.
1CHRON 5:40 ועזריה הוליד את-שריה ושריה הוליד את-יהוצדק.
1CHRON 5:41 ויהוצדק הלך בהגלות יהוה את-יהודה וירושלם ביד נבכדנאצר.