Back to Hebrew Bible online homepage (Contents Page of Online Bible)
1 Chronicles 16 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
1CHRON 16:1 ויביאו את-ארון האלהים ויציגו אתו בתוך האהל אשר נטה-לו דויד ויקריבו עלות ושלמים לפני האלהים.
1CHRON 16:2 ויכל דויד מהעלות העלה והשלמים ויברך את-העם בשם יהוה.
1CHRON 16:3 ויחלק לכל-איש ישראל מאיש ועד-אשה לאיש ככר-לחם ואשפר ואשישה.
1CHRON 16:4 ויתן לפני ארון יהוה מן-הלוים משרתים ולהזכיר ולהודות ולהלל ליהוה אלהי ישראל.
1CHRON 16:5 אסף הראש ומשנהו זכריה יעיאל ושמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משמיע.
1CHRON 16:6 ובניהו ויחזיאל הכהנים בחצצרות תמיד לפני ארון ברית-האלהים.
1CHRON 16:7 ביום ההוא אז נתן דויד בראש להדות ליהוה ביד-אסף ואחיו.
1CHRON 16:8 הודו ליהוה קראו בשמו הודיעו בעמים עלילתיו.
1CHRON 16:9 שירו לו זמרו-לו שיחו בכל-נפלאתיו.
1CHRON 16:10 התהללו בשם קדשו ישמח לב מבקשי יהוה.
1CHRON 16:11 דרשו יהוה ועזו בקשו פניו תמיד.
1CHRON 16:12 זכרו נפלאתיו אשר עשה מפתיו ומשפטי-פיהו.
1CHRON 16:13 זרע ישראל עבדו בני יעקב בחיריו.
1CHRON 16:14 הוא יהוה אלהינו בכל-הארץ משפטיו.
1CHRON 16:15 זכרו לעולם בריתו דבר צוה לאלף דור.
1CHRON 16:16 אשר כרת את-אברהם ושבועתו ליצחק.
1CHRON 16:17 ויעמידה ליעקב לחק לישראל ברית עולם.
1CHRON 16:18 לאמר לך אתן ארץ-כנען חבל נחלתכם.
1CHRON 16:19 בהיותכם מתי מספר כמעט וגרים בה.
1CHRON 16:20 ויתהלכו מגוי אל-גוי ומממלכה אל-עם אחר.
1CHRON 16:21 לא-הניח לאיש לעשקם ויוכח עליהם מלכים.
1CHRON 16:22 אל-תגעו במשיחי ובנביאי אל-תרעו.
1CHRON 16:23 שירו ליהוה כל-הארץ בשרו מיום-אל-יום ישועתו.
1CHRON 16:24 ספרו בגוים את-כבודו בכל-העמים נפלאתיו.
1CHRON 16:25 כי גדול יהוה ומהלל מאד ונורא הוא על-כל-אלהים.
1CHRON 16:26 כי כל-אלהי העמים אלילים ויהוה שמים עשה.
1CHRON 16:27 הוד והדר לפניו עז וחדוה במקמו.
1CHRON 16:28 הבו ליהוה משפחות עמים הבו ליהוה כבוד ועז.
1CHRON 16:29 הבו ליהוה כבוד שמו שאו מנחה ובאו לפניו השתחוו ליהוה בהדרת- קדש.
1CHRON 16:30 חילו מלפניו כל-הארץ אף-תכון תבל בל-תמוט.
1CHRON 16:31 ישמחו השמים ותגל הארץ ויאמרו בגוים יהוה מלך.
1CHRON 16:32 ירעם הים ומלואו יעלץ השדה וכל-אשר-בו.
1CHRON 16:33 אז ירננו עצי היער מלפני יהוה כי-בא לשפוט את-הארץ.
1CHRON 16:34 הודו ליהוה כי טוב כי לעולם חסדו.
1CHRON 16:35 ואמרו הושיענו אלהי ישענו וקבצנו והצילנו מן-הגוים להדות לשם קדשך להשתבח בתהלתך.
1CHRON 16:36 ברוך יהוה אלהי ישראל מן-העולם ועד העלם ויאמרו כל-העם אמן והלל ליהוה.
1CHRON 16:37 ויעזב-שם לפני ארון ברית-יהוה לאסף ולאחיו לשרת לפני הארון תמיד לדבר-יום ביומו.
1CHRON 16:38 ועבד אדם ואחיהם ששים ושמונה ועבד אדם בן-ידיתון וחסה לשערים.
1CHRON 16:39 ואת צדוק הכהן ואחיו הכהנים לפני משכן יהוה בבמה אשר בגבעון.
1CHRON 16:40 להעלות עלות ליהוה על-מזבח העלה תמיד לבקר ולערב ולכל-הכתוב בתורת יהוה אשר צוה על-ישראל.
1CHRON 16:41 ועמהם הימן וידותון ושאר הברורים אשר נקבו בשמות להדות ליהוה כי לעולם חסדו.
1CHRON 16:42 ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער.
1CHRON 16:43 וילכו כל-העם איש לביתו ויסב דויד לברך את-ביתו.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)