Back to Hebrew Bible online homepage (Contents Page of Online Bible)
1 Chronicles 23 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
1CHRON 23:1 ודויד זקן ושבע ימים וימלך את-שלמה בנו על-ישראל.
1CHRON 23:2 ויאסף את-כל-שרי ישראל והכהנים והלוים.
1CHRON 23:3 ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף.
1CHRON 23:4 מאלה לנצח על-מלאכת בית-יהוה עשרים וארבעה אלף ושטרים ושפטים ששת אלפים.
1CHRON 23:5 וארבעת אלפים שערים וארבעת אלפים מהללים ליהוה בכלים אשר עשיתי להלל.
1CHRON 23:6 ויחלקם דויד מחלקות לבני לוי לגרשון קהת ומררי.
1CHRON 23:7 לגרשני לעדן ושמעי.
1CHRON 23:8 בני לעדן הראש יחיאל וזתם ויואל שלשה.
1CHRON 23:9 בני שמעי שלמות וחזיאל והרן שלשה אלה ראשי האבות ללעדן.
1CHRON 23:10 ובני שמעי יחת זינא ויעוש ובריעה אלה בני-שמעי ארבעה.
1CHRON 23:11 ויהי-יחת הראש וזיזה השני ויעוש ובריעה לא-הרבו בנים ויהיו לבית אב לפקדה אחת.
1CHRON 23:12 בני קהת עמרם יצהר חברון ועזיאל ארבעה.
1CHRON 23:13 בני עמרם אהרן ומשה ויבדל אהרן להקדישו קדש קדשים הוא-ובניו עד- עולם להקטיר לפני יהוה לשרתו ולברך בשמו עד-עולם.
1CHRON 23:14 ומשה איש האלהים בניו יקראו על-שבט הלוי.
1CHRON 23:15 בני משה גרשם ואליעזר.
1CHRON 23:16 בני גרשום שבואל הראש.
1CHRON 23:17 ויהיו בני-אליעזר רחביה הראש ולא-היה לאליעזר בנים אחרים ובני רחביה רבו למעלה.
1CHRON 23:18 בני יצהר שלמית הראש.
1CHRON 23:19 בני חברון יריהו הראש אמריה השני יחזיאל השלישי ויקמעם הרביעי.
1CHRON 23:20 בני עזיאל מיכה הראש וישיה השני.
1CHRON 23:21 בני מררי מחלי ומושי בני מחלי אלעזר וקיש.
1CHRON 23:22 וימת אלעזר ולא-היו לו בנים כי אם-בנות וישאום בני-קיש אחיהם.
1CHRON 23:23 בני מושי מחלי ועדר וירמות שלשה.
1CHRON 23:24 אלה בני-לוי לבית אבתיהם ראשי האבות לפקודיהם במספר שמות לגלגלתם עשה המלאכה לעבדת בית יהוה מבן עשרים שנה ומעלה.
1CHRON 23:25 כי אמר דויד הניח יהוה אלהי-ישראל לעמו וישכן בירושלם עד- לעולם.
1CHRON 23:26 וגם ללוים אין-לשאת את-המשכן ואת-כל-כליו לעבדתו.
1CHRON 23:27 כי בדברי דויד האחרנים המה מספר בני-לוי מבן עשרים שנה ולמעלה.
1CHRON 23:28 כי מעמדם ליד-בני אהרן לעבדת בית יהוה על-החצרות ועל-הלשכות ועל-טהרת לכל-קדש ומעשה עבדת בית האלהים.
1CHRON 23:29 וללחם המערכת ולסלת למנחה ולרקיקי המצות ולמחבת ולמרבכת ולכל- משורה ומדה.
1CHRON 23:30 ולעמד בבקר בבקר להדות ולהלל ליהוה וכן לערב.
1CHRON 23:31 ולכל העלות עלות ליהוה לשבתות לחדשים ולמעדים במספר כמשפט עליהם תמיד לפני יהוה.
1CHRON 23:32 ושמרו את-משמרת אהל-מועד ואת משמרת הקדש ומשמרת בני אהרן אחיהם לעבדת בית יהוה.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)