Back to Hebrew Bible online homepage (Contents Page of Online Bible)
2 Chronicles 18 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
[30]
[31]
[32]
[33]
[34]
[35]
[36]
2CHRON 18:1 ויהי ליהושפט עשר וכבוד לרב ויתחתן לאחאב.
2CHRON 18:2 וירד לקץ שנים אל-אחאב לשמרון ויזבח-לו אחאב צאן ובקר לרב ולעם אשר עמו ויסיתהו לעלות אל-רמות גלעד.
2CHRON 18:3 ויאמר אחאב מלך-ישראל אל-יהושפט מלך יהודה התלך עמי רמת גלעד ויאמר לו כמוני כמוך וכעמך עמי ועמך במלחמה.
2CHRON 18:4 ויאמר יהושפט אל-מלך ישראל דרש-נא כיום את-דבר יהוה.
2CHRON 18:5 ויקבץ מלך-ישראל את-הנבאים ארבע מאות איש ויאמר אלהם הנלך אל- xnz גלעד למלחמה אם-אחדל ויאמרו עלה ויתן האלהים ביד המלך.
2CHRON 18:6 ויאמר יהושפט האין פה נביא ליהוה עוד ונדרשה מאתו.
2CHRON 18:7 ויאמר מלך-ישראל אל-יהושפט עוד איש-אחד לדרוש את-יהוה מאתו ואני שנאתיהו כי-איננו מתנבא עלי לטובה כי כל-ימיו לרעה הוא מיכיהו בן- ימלא ויאמר יהושפט אל-יאמר המלך כן.
2CHRON 18:8 ויקרא מלך ישראל אל-סריס אחד ויאמר מהר מיכהו בן-ימלא.
2CHRON 18:9 ומלך ישראל ויהושפט מלך-יהודה יושבים איש על-כסאו מלבשים בגדים וישבים בגרן פתח שער שמרון וכל-הנביאים מתנבאים לפניהם.
2CHRON 18:10 ויעש לו צדקיהו בן-כנענה קרני ברזל ויאמר כה-אמר יהוה באלה תנגח את-ארם עד-כלותם.
2CHRON 18:11 וכל-הנבאים נבאים כן לאמר עלה רמת גלעד והצלח ונתן יהוה ביד המלך.
2CHRON 18:12 והמלאך אשר-הלך לקרא למיכיהו דבר אליו לאמר הנה דברי הנבאים פה- אחד טוב אל-המלך ויהי-נא דברך כאחד מהם ודברת טוב.
2CHRON 18:13 ויאמר מיכיהו חי-יהוה כי את-אשר-יאמר אלהי אתו אדבר.
2CHRON 18:14 ויבא אל-המלך ויאמר המלך אליו מיכה הנלך אל-רמת גלעד למלחמה אם- אחדל ויאמר עלו והצליחו וינתנו בידכם.
2CHRON 18:15 ויאמר אליו המלך עד-כמה פעמים אני משביעך אשר לא-תדבר אלי רק- אמת בשם יהוה.
2CHRON 18:16 ויאמר ראיתי את-כל-ישראל נפוצים על-ההרים כצאן אשר אין-להן רעה ויאמר יהוה לא-אדנים לאלה ישובו איש-לביתו בשלום.
2CHRON 18:17 ויאמר מלך-ישראל אל-יהושפט הלא אמרתי אליך לא-יתנבא עלי טוב כי אם-לרע.
2CHRON 18:18 ויאמר לכן שמעו דבר-יהוה ראיתי את-יהוה יושב על-כסאו וכל-צבא השמים עמדים על-ימינו ושמאלו.
2CHRON 18:19 ויאמר יהוה מי יפתה את-אחאב מלך-ישראל ויעל ויפל ברמות גלעד ויאמר זה אמר ככה וזה אמר ככה.
2CHRON 18:20 ויצא הרוח ויעמד לפני יהוה ויאמר אני אפתנו ויאמר יהוה אליו במה.
2CHRON 18:21 ויאמר אצא והייתי לרוח שקר בפי כל-נביאיו ויאמר תפתה וגם-תוכל צא ועשה-כן.
2CHRON 18:22 ועתה הנה נתן יהוה רוח שקר בפי נביאיך אלה ויהוה דבר עליך רעה.
2CHRON 18:23 ויגש צדקיהו בן-כנענה ויך את-מיכיהו על-הלחי ויאמר אי זה הדרך עבר רוח-יהוה מאתי לדבר אתך.
2CHRON 18:24 ויאמר מיכיהו הנך ראה ביום ההוא אשר תבוא חדר בחדר להחבא.
2CHRON 18:25 ויאמר מלך ישראל קחו את-מיכיהו והשיבהו אל-אמון שר-העיר ואל- יואש בן-המלך.
2CHRON 18:26 ואמרתם כה אמר המלך שימו זה בית הכלא והאכלהו לחם לחץ ומים לחץ עד שובי בשלום.
2CHRON 18:27 ויאמר מיכיהו אם-שוב תשוב בשלום לא-דבר יהוה בי ויאמר שמעו עמים כלם.
2CHRON 18:28 ויעל מלך-ישראל ויהושפט מלך-יהודה אל-רמת גלעד.
2CHRON 18:29 ויאמר מלך ישראל אל-יהושפט התחפש ובוא במלחמה ואתה לבש בגדיך ויתחפש מלך ישראל ויבאו במלחמה.
2CHRON 18:30 ומלך ארם צוה את-שרי הרכב אשר-לו לאמר לא תלחמו את-הקטן את- הגדול כי אם-את-מלך ישראל לבדו.
2CHRON 18:31 ויהי כראות שרי הרכב את-יהושפט והמה אמרו מלך ישראל הוא ויסבו עליו להלחם ויזעק יהושפט ויהוה עזרו ויסיתם אלהים ממנו.
2CHRON 18:32 ויהי כראות שרי הרכב כי לא-היה מלך ישראל וישבו מאחריו.
2CHRON 18:33 ואיש משך בקשת לתמו ויך את-מלך ישראל בין הדבקים ובין השרין ויאמר לרכב הפך ידיך והוצאתני מן-המחנה כי החליתי.
2CHRON 18:34 ותעל המלחמה ביום ההוא ומלך ישראל היה מעמיד במרכבה נכח ארם עד- הערב וימת לעת בוא השמש.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)