Back to Hebrew Bible online homepage (Contents Page of Online Bible)
2 Chronicles 36 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
[30]
[31]
[32]
[33]
[34]
[35]
[36]
2CHRON 36:1 ויקחו עם-הארץ את-יהואחז בן-יאשיהו וימליכהו תחת-אביו בירושלם.
2CHRON 36:2 בן-שלוש ועשרים שנה יואחז במלכו ושלשה חדשים מלך בירושלם.
2CHRON 36:3 ויסירהו מלך-מצרים בירושלם ויענש את-הארץ מאה ככר-כסף וככר זהב.
2CHRON 36:4 וימלך מלך-מצרים את-אליקים אחיו על-יהודה וירושלם ויסב את-שמו יהויקים ואת-יואחז אחיו לקח נכו ויביאהו מצרימה.
2CHRON 36:5 בן-עשרים וחמש שנה יהויקים במלכו ואחת עשרה שנה מלך בירושלם eiry הרע בעיני יהוה אלהיו.
2CHRON 36:6 עליו עלה נבוכדנאצר מלך בבל ויאסרהו בנחשתים להליכו בבלה.
2CHRON 36:7 ומכלי בית יהוה הביא נבוכדנאצר לבבל ויתנם בהיכלו בבבל.
2CHRON 36:8 ויתר דברי יהויקים ותעבתיו אשר-עשה והנמצא עליו הנם כתובים על- ספר מלכי ישראל ויהודה וימלך יהויכין בנו תחתיו.
2CHRON 36:9 בן-שמונה שנים יהויכין במלכו ושלשה חדשים ועשרת ימים מלך בירושלם ויעש הרע בעיני יהוה.
2CHRON 36:10 ולתשובת השנה שלח המלך נבוכדנאצר ויבאהו בבלה עם-כלי חמדת בית- יהוה וימלך את-צדקיהו אחיו על-יהודה וירושלם.
2CHRON 36:11 בן-עשרים ואחת שנה צדקיהו במלכו ואחת עשרה שנה מלך בירושלם.
2CHRON 36:12 ויעש הרע בעיני יהוה אלהיו לא נכנע מלפני ירמיהו הנביא מפי יהוה.
2CHRON 36:13 וגם במלך נבוכדנאצר מרד אשר השביעו באלהים ויקש את-ערפו ויאמץ את-לבבו משוב אל-יהוה אלהי ישראל.
2CHRON 36:14 גם כל-שרי הכהנים והעם הרבו למעול-מעל ככל תעבות הגוים ויטמאו את-בית יהוה אשר הקדיש בירושלם.
2CHRON 36:15 וישלח יהוה אלהי אבותיהם עליהם ביד מלאכיו השכם ושלוח כי-חמל על-עמו ועל-מעונו.
2CHRON 36:16 ויהיו מלעבים במלאכי האלהים ובוזים דבריו ומתעתעים בנבאיו עד עלות חמת-יהוה בעמו עד-לאין מרפא.
2CHRON 36:17 ויעל עליהם את-מלך כשדיים ויהרג בחוריהם בחרב בבית מקדשם ולא חמל על-בחור ובתולה זקן וישש הכל נתן בידו.
2CHRON 36:18 וכל כלי בית האלהים הגדלים והקטנים ואצרות בית יהוה ואצרות המלך ושריו הכל הביא בבל.
2CHRON 36:19 וישרפו את-בית האלהים וינתצו את חומת ירושלם וכל-ארמנותיה שרפו באש וכל-כלי מחמדיה להשחית.
2CHRON 36:20 ויגל השארית מן-החרב אל-בבל ויהיו-לו ולבניו לעבדים עד-מלך מלכות פרס.
2CHRON 36:21 למלאות דבר-יהוה בפי ירמיהו עד-רצתה הארץ את-שבתותיה כל-ימי השמה שבתה למלאות שבעים שנה.
2CHRON 36:22 ובשנת אחת לכורש מלך פרס לכלות דבר-יהוה בפי ירמיהו העיר יהוה את-רוח כורש מלך-פרס ויעבר-קול בכל-מלכותו וגם-במכתב לאמר.
2CHRON 36:23 כה-אמר כורש מלך פרס כל-ממלכות הארץ נתן לי יהוה אלהי השמים והוא-פקד עלי לבנות-לו בית בירושלם אשר ביהודה מי-בכם מכל-עמו יהוה אלהיו עמו ויעל.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)