Back to Hebrew Bible online homepage (Contents Page of Online Bible)
2 Chronicles 21 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
[30]
[31]
[32]
[33]
[34]
[35]
[36]
2CHRON 21:1 וישכב יהושפט עם-אבתיו ויקבר עם-אבתיו בעיר דויד וימלך יהורם בנו תחתיו.
2CHRON 21:2 ולו-אחים בני יהושפט עזריה ויחיאל וזכריהו ועזריהו ומיכאל ושפטיהו כל-אלה בני יהושפט מלך-ישראל.
2CHRON 21:3 ויתן להם אביהם מתנות רבות לכסף ולזהב ולמגדנות עם-ערי מצרות ביהודה ואת-הממלכה נתן ליהורם כי-הוא הבכור.
2CHRON 21:4 ויקם יהורם על-ממלכת אביו ויתחזק ויהרג את-כל-אחיו בחרב וגם משרי ישראל.
2CHRON 21:5 בן-שלשים ושתים שנה יהורם במלכו ושמונה שנים מלך בירושלם.
2CHRON 21:6 וילך בדרך מלכי ישראל כאשר עשו בית אחאב כי בת-אחאב היתה לו אשה ויעש הרע בעיני יהוה.
2CHRON 21:7 ולא-אבה יהוה להשחית את-בית דויד למען הברית אשר כרת לדויד וכאשר אמר לתת לו ניר ולבניו כל-הימים.
2CHRON 21:8 בימיו פשע אדום מתחת יד-יהודה וימליכו עליהם מלך.
2CHRON 21:9 ויעבר יהורם עם-שריו וכל-הרכב עמו ויהי קם לילה ויך את-אדום הסובב אליו ואת שרי הרכב.
2CHRON 21:10 ויפשע אדום מתחת יד-יהודה עד היום הזה אז תפשע לבנה בעת ההיא מתחת ידו כי עזב את-יהוה אלהי אבתיו.
2CHRON 21:11 גם-הוא עשה-במות בהרי יהודה ויזן את-ישבי ירושלם וידח את- יהודה.
2CHRON 21:12 ויבא אליו מכתב מאליהו הנביא לאמר כה אמר יהוה אלהי דויד אביך תחת אשר לא-הלכת בדרכי יהושפט אביך ובדרכי אסא מלך-יהודה.
2CHRON 21:13 ותלך בדרך מלכי ישראל ותזנה את-יהודה ואת-ישבי ירושלם כהזנות בית אחאב וגם את-אחיך בית-אביך הטובים ממך הרגת.
2CHRON 21:14 הנה יהוה נגף מגפה גדולה בעמך ובבניך ובנשיך ובכל-רכושך.
2CHRON 21:15 ואתה בחליים רבים במחלה מעיך עד-יצאו מעיך מן-החלי ימים על- ימים.
2CHRON 21:16 ויער יהוה על-יהורם את רוח הפלשתים והערבים אשר על-יד כושים.
2CHRON 21:17 ויעלו ביהודה ויבקעוה וישבו את כל-הרכוש הנמצא לבית-המלך וגם- בניו ונשיו ולא נשאר-לו בן כי אם-יהואחז קטן בניו.
2CHRON 21:18 ואחרי כל-זאת נגפו יהוה במעיו לחלי לאין מרפא.
2CHRON 21:19 ויהי לימים מימים וכעת צאת הקץ לימים שנים יצאו מעיו עם-חליו וימת בתחלאים רעים ולא-עשו לו עמו שרפה כשרפת אבתיו.
2CHRON 21:20 בן-שלשים ושתים היה במלכו ושמונה שנים מלך בירושלם וילך בלא חמדה ויקברהו בעיר דויד ולא בקברות המלכים.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)