2CHRON 4:1 ויעש מזבח נחשת עשרים אמה ארכו ועשרים אמה רחבו ועשר אמות קומתו.
2CHRON 4:2 ויעש את-הים מוצק עשר באמה משפתו אל-שפתו עגול סביב וחמש באמה קומתו וקו שלשים באמה יסב אתו סביב.
2CHRON 4:3 ודמות בקרים תחת לו סביב סביב סובבים אתו עשר באמה מקיפים את- הים סביב שנים טורים הבקר יצוקים במצקתו.
2CHRON 4:4 עומד על-שנים עשר בקר שלשה פנים צפונה ושלושה פנים ימה ושלשה פנים נגבה ושלשה פנים מזרחה והים עליהם מלמעלה וכל-אחריהם ביתה.
2CHRON 4:5 ועביו טפח ושפתו כמעשה שפת-כוס פרח שושנה מחזיק בתים שלשת אלפים יכיל.
2CHRON 4:6 ויעש כיורים עשרה ויתן חמשה מימין וחמשה משמאול לרחצה בהם את- מעשה העולה ידיחו בם והים לרחצה לכהנים בו.
2CHRON 4:7 ויעש את-מנרות הזהב עשר כמשפטם ויתן בהיכל חמש מימין וחמש משמאול.
2CHRON 4:8 ויעש שלחנות עשרה וינח בהיכל חמשה מימין וחמשה משמאול ויעש מזרקי זהב מאה.
2CHRON 4:9 ויעש חצר הכהנים והעזרה הגדולה ודלתות לעזרה ודלתותיהם צפה נחשת.
2CHRON 4:10 ואת-הים נתן מכתף הימנית קדמה ממול נגבה.
2CHRON 4:11 ויעש חורם את-הסירות ואת-היעים ואת-המזרקות ויכל חירם לעשות את- dnl`kd אשר עשה למלך שלמה בבית האלהים.
2CHRON 4:12 עמודים שנים והגלות והכתרות על-ראש העמודים שתים והשבכות שתים לכסות את-שתי גלות הכתרות אשר על-ראש העמודים.
2CHRON 4:13 ואת-הרמונים ארבע מאות לשתי השבכות שנים טורים רמונים לשבכה האחת לכסות את-שתי גלות הכתרות אשר על-פני העמודים.
2CHRON 4:14 ואת-המכנות עשה ואת-הכירות עשה על-המכנות.
2CHRON 4:15 את-הים אחד ואת-הבקר שנים-עשר תחתיו.
2CHRON 4:16 ואת-הסירות ואת-היעים ואת-המזלגות ואת-כל-כליהם עשה חורם אביו למלך שלמה לבית יהוה נחשת מרוק.
2CHRON 4:17 בככר הירדן יצקם המלך בעבי האדמה בין סכות ובין צרדתה.
2CHRON 4:18 ויעש שלמה כל-הכלים האלה לרב מאד כי לא נחקר משקל הנחשת.
2CHRON 4:19 ויעש שלמה את כל-הכלים אשר בית האלהים ואת מזבח הזהב ואת- השלחנות ועליהם לחם הפנים.
2CHRON 4:20 ואת-המנרות ונרתיהם לבערם כמשפט לפני הדביר זהב סגור.
2CHRON 4:21 והפרח והנרות והמלקחים זהב הוא מכלות זהב.
2CHRON 4:22 והמזמרות והמזרקות והכפות והמחתות זהב סגור ופתח הבית דלתותיו הפנימיות לקדש הקדשים ודלתי הבית להיכל זהב.