Back to Hebrew Bible online homepage (Contents Page of Online Bible)
2 Chronicles 23 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
[30]
[31]
[32]
[33]
[34]
[35]
[36]
2CHRON 23:1 ובשנה השבעית התחזק יהוידע ויקח את-שרי המאות לעזריהו בן-ירחם ולישמעאל בן-יהוחנן ולעזריהו בן-עובד ואת-מעשיהו בן-עדיהו ואת- אלישפט בן-זכרי עמו בברית.
2CHRON 23:2 ויסבו ביהודה ויקבצו את-הלוים מכל-ערי יהודה וראשי האבות לישראל ויבאו אל-ירושלם.
2CHRON 23:3 ויכרת כל-הקהל ברית בבית האלהים עם-המלך ויאמר להם הנה בן-המלך ימלך כאשר דבר יהוה על-בני דויד.
2CHRON 23:4 זה הדבר אשר תעשו השלשית מכם באי השבת לכהנים וללוים לשערי הספים.
2CHRON 23:5 והשלשית בבית המלך והשלשית בשער היסוד וכל-העם בחצרות בית יהוה.
2CHRON 23:6 ואל-יבוא בית-יהוה כי אם-הכהנים והמשרתים ללוים המה יבאו כי-קדש המה וכל-העם ישמרו משמרת יהוה.
2CHRON 23:7 והקיפו הלוים את-המלך סביב איש וכליו בידו והבא אל-הבית יומת והיו את-המלך בבאו ובצאתו.
2CHRON 23:8 ויעשו הלוים וכל-יהודה ככל אשר-צוה יהוידע הכהן ויקחו איש את- אנשיו באי השבת עם יוצאי השבת כי לא פטר יהוידע הכהן את-המחלקות.
2CHRON 23:9 ויתן יהוידע הכהן לשרי המאות את-החניתים ואת-המגנות ואת-השלטים אשר למלך דויד אשר בית האלהים.
2CHRON 23:10 ויעמד את-כל-העם ואיש שלחו בידו מכתף הבית הימנית עד-כתף הבית השמאלית למזבח ולבית על-המלך סביב.
2CHRON 23:11 ויוציאו את-בן-המלך ויתנו עליו את-הנזר ואת-העדות וימליכו אתו וימשחהו יהוידע ובניו ויאמרו יחי המלך.
2CHRON 23:12 ותשמע עתליהו את-קול העם הרצים והמהללים את-המלך ותבוא אל-העם בית יהוה.
2CHRON 23:13 ותרא והנה המלך עומד על-עמודו במבוא והשרים והחצצרות על-המלך וכל-עם הארץ שמח ותוקע בחצצרות והמשוררים בכלי השיר ומודיעים להלל ezwxr עתליהו את-בגדיה ותאמר קשר קשר.
2CHRON 23:14 ויוצא יהוידע הכהן את-שרי המאות פקודי החיל ויאמר אלהם הוציאוה אל-מבית השדרות והבא אחריה יומת בחרב כי אמר הכהן לא תמיתוה בית יהוה.
2CHRON 23:15 וישימו לה ידים ותבוא אל-מבוא שער-הסוסים בית המלך וימיתוה שם.
2CHRON 23:16 ויכרת יהוידע ברית בינו ובין כל-העם ובין המלך להיות לעם ליהוה.
2CHRON 23:17 ויבאו כל-העם בית-הבעל ויתצהו ואת-מזבחתיו ואת-צלמיו שברו ואת מתן כהן הבעל הרגו לפני המזבחות.
2CHRON 23:18 וישם יהוידע פקדת בית יהוה ביד הכהנים הלוים אשר חלק דויד על- בית יהוה להעלות עלות יהוה ככתוב בתורת משה בשמחה ובשיר על ידי דויד.
2CHRON 23:19 ויעמד השוערים על-שערי בית יהוה ולא-יבא טמא לכל-דבר.
2CHRON 23:20 ויקח את-שרי המאות ואת-האדירים ואת-המושלים בעם ואת כל-עם הארץ ויורד את-המלך מבית יהוה ויבאו בתוך-שער העליון בית המלך ויושיבו את-המלך על כסא הממלכה.
2CHRON 23:21 וישמחו כל-עם-הארץ והעיר שקטה ואת-עתליהו המיתו בחרב.
Search the online bible
Back to Jesus Work Ministry main home page
Back to Jesus Work Ministry home for spiritual warfare and Christian deliverance ministry
Back to Jesus Work Ministry home for resources on Christian living
Christian deliverance and Spiritual warfare book 1
Christian deliverance and Spiritual warfare book 2
Christian deliverance and Spiritual warfare book 3
Christian deliverance and Spiritual warfare book 4
Spiritual warfare and Christian deliverance ministry classics
Other spiritual warfare and Christian deliverance resources on Jesus Work Ministry
Christian deliverance and spiritual warfare audio sermons (free Christian MP3 audio downloads)